Þegar slenið og orkuleysið hellist yfir okkur í amstri dags er gott að vera undirbúin og tækla svona orkulægðir með saðsömu og orkugefandi snarli og húrra upp kerfinu okkar! Dagleg vellíðan, orka og úthald byggir svo mikið á því hvaða fæðu við erum að velja ofan í okkur. Mataræðið hefur mun meiri áhrif en okkur grunar og er mjög stór þáttur í heilsufari okkar. Næringarrík fæða getur m.a. stuðlað að bættum svefni, skýrari hugsun, betra skapi og aukinni afkastagetu yfir daginn.
Að snarla á hollum millibitum heldur blóðsykrinum í jafnvægi og gefur okkur jafna orku til að takast á við verkefni dagsins. Þannig komum við í veg fyrir að við séum eins og jójó í orkunni okkar heldur helst hún mjög stöðugri og það hefur líka jafnvægisstillandi áhrif á geðið okkar og skýrari fókus á það sem við erum að gera. Einnig erum við að koma í veg fyrir slæmar ákvarðanir í mataræðinu ef við pössum okkur að borða reglulega yfir daginn, freistumst síður í einhverja vitleysu.
Hér eru nokkrar snjallar hugmyndir að heilsusamlegu og næringaríku snarli sem hægt er að grípa í með lítilli fyrirhöfn heima fyrir eða í vinnunni:
- Epli með lífrænu hnetusmjöri
- Grísk jógúrt með bláberjum
- Þurrkaðir ávextir og hnetur
- Sellerístöngar með lífrænu möndlusmjöri
- Ferskar grænar sykurbaunir
- Hrökkbrauð með kotasælu og papriku
- Gulrætur og hnúðkál í strimlum dýft í hummus
- Kókósflögur, goji ber og kasjúhnetur
- Kirsuberjatómatar, soðið egg
- Möndlur, rúsínur, söl
Heilsuhrökkkex:
- 4 dl sesamfræ
- 4 dl hörfræ
- 2 dl graskersfræ
- 2 dl sólblómafræ
- 2 dl eggjahvítur (ca 6 stk)
- 3 dl sjóðandi vatn
- 1 msk himalaya salt
Þetta er glúteinlaust hrökkkex og er einstaklega trefjaríkt og próteinríkt.
Öllu hrært saman og látið standa í 20 mín, deigi skipt í tvennt og hellt á smjörpappír. Setja annan smjörpappír ofan og dreifa úr með kökukefli ofan á. Baka við 120°C í 60-90 mín eða þar til stökkt. Skera strax með pizzahníf og láta svo kólna.
Ásdís xoxo
what do you think?