Í okkar daglega lífi erum við umkringd fjölmörgum toxískum efnum eins og skordýraeitri, þungamálmum, mengun, hreinsiefnum, lyfjum, áfengi, aukaefnum í mat, o.fl. Líkaminn framleiðir einnig sjálfur úrgangsefni sem eru niðurbrotsefni efnaskipta og efni framleidd af örverum í meltingarvegi. Óhóf í mat og drykk getur t.d. dregið úr hæfni líkamans til að hreinsa. Allt setur þetta álag á hreinsilíffæri okkar eins og lifrina og nýrun og nokkrar rannsóknir benda til tengsla mili uppsöfnunar toxískra efna í líkamanum og offitu en þessi efni geta m.a. hugsanlega truflað framleiðslu skjaldkirtilshormóna og haft þannig hamlandi áhrif á þyngdarlosun. Hugum því vel að því hvað við veljum ofan í okkur og styðjum við náttúrulegt afeitrunarferli líkamans með hreinni og góðri fæðu og náttúrefnum.
- Mjólkurþistill – hefur hreinsandi áhrif á lifrina og stuðlar að endurnýjun lifrarfrumna.
- Brenninettla – hefur vatnslosandi og hreinsandi áhrif á nýrun og sogæðakerfi.
- Sítrónur – örva starfssemi gallblöðru og auðvelda niðurbrot á fitu.
- Brokkolí – stuðlar að framleiðslu mikilvægra afeitrunarensíma í lifrinni.
- Kóríander – getur hjálpað líkamanum að losa út þungamálma.